E quantu, quantu guài ntra sta mè vita!
Diquand'escia la raku peniàta!
Fui condannàtu comu la munìta:
Posa no ndàppi mai, mija jornàta!
Jocata storta fu la mè partita,
Di chija ceca Sorti, disgraziata...
Orfanu, straniàtu, senza mìta,
Mbattìa sempri sdarrùpi a la mè strata!
Cumu chiji a lu limbi cundannàtu,
Non trovu jazzu mai ntra nnùiu sìtu...
Di paci o di riposu sù assitàtu.
L'urtimi jorna, armènu, ndisturbàtu,
Vorrìa nu passu mpàci ) di Rimitu )
Ntra nna tàna di voscu, disulàtu;
E jà, ) Morti;... ) vorrìa mu ti combitu,
mu ti sbruffìju: frrù...l'urtimu kjàtu!... |
|
